A WEE GLESGA WUMMIN

For Helen B and Janice M, both of whom are Glesga wummin and both of whom are braw lasses . . .

A Wee Glesga Wummin

     by Ron Windward

The light in the close is broke again

As ah slowly trudge inside

Two string bags full o’ messages

Weigh heavy by my side

The rain drips off ma’ rainmate

An’ settles oan ma’ eyes

Ah canny see a bloody thing

An’ naebody hears my cries

I slowly climb ‘ra concrete stairs

Dreamin’ of a cup o’ tea

Ah stop at ‘ra toilet landing

Take a breath and count tae three

I start again to climb ‘ra stairs

Cursing each stair wan by wan

Ah can hear the telly in oor hoose

It must be great tae be a man?

It seems that I dae everything

I don’t fink it’s very fair

Ah washed these stairs ‘ra other day

But naebody seems to care

To sing oan stage like Cilla

Wiz’ ma’ big master plan

I could’ve made it happen tae

If ah hadnae met ma’ man

Ach my man’s no’ bad, just lazy

Like o’ men ah suppose

But I didnae know it would be like this

When he bent down tae propose

Ah soldier oan regardless

As ah turn the final bend

Ah kin hear ma eight weans laughin’

As ma’ journey nears its end

Ach get a grip I tell ma’sel

Two stairs tae go then home

The sad part is tomorrow

WILL BE ‘RA BLOODY SAME!